phpMyAdmin në shqip +apps

Çfarë bën phpMyAdmin?

phpMyAdmin është platformë në PHP, që menaxhon databazën MySQL, krijon dhe fshin databazat e veçanta, si dhe tabelat e një databaze dhe mund të korrigjojë përmbajtjen e një tabele, dhe më gjerë. Kush përdor gjuhën PHP për të ndërtuar një faqe dinamike, përdor me siguri edhe databazëhn MySQL, e cila është një nga databazat më të përdorshme në këtë fushë. Ky kombinim, ka dalë mjaft efektiv në ndërtimin e uebfaqeve dhe databazave të fuqishme, të cilat mbulojnë pjesën më të madhe të tregut, në krijimin e uebfaqeve në botë.

Pse phpMyAdmin në shqip?

Përdorimi i madh i kësaj platforme në menaxhimin e databazave MySQL, me të cilat funksionojnë sot një pjesë e madhe e uebfaqeve dinamike dhe moderne, është edhe arsyeja, që këtë platformë të rëndësishme, e kemi përkthyer edhe në gjuhën shqipe.

Për pak kohë, gjuhën shqipe të phpMyAdmin mund ta shkarkonit vetëm këtu nga uebfaqja jonë, por tani e kemi bërë të mundur, që ajo të shpërndahet së bashku me gjuhët e tjera, në paketën zyrtare të phpMyAdmin. Pra, shkarkoni paketën dhe bashkë me gjuhët e tjera keni edhe gjuhën shqipe të saj, të përkthyer nga ne.

Pamja e faqes së parë të phpMyAdmin në shqip, është si më poshtë:

phpMyAdmin në shqip

Për të aplikuar gjuhën shqipe të phpMyAdmin, shkoni në dritaren e phpMyAdmin, kur të hapet aplikacioni dhe zgjedh:
Shqip - Albanian, si në figurën më poshtë.

pastaj

Në dritaren e aplikacionit phpMyAdmin, që hapet, do të keni gjuhën shqipe të zgjedhur, të cilën e verifikoni edhe tek kutia Konfigurimet e pamjes:

Nëse gjatë përdorimit vini re ndonjë gabim, ju lutem, na njoftoni duke dërguar mesazh të sqaruar qartë, përmes [ formularit të kontakteve ].

Ju lumtë, që zgjedhni gjuhën shqipe të përdorimit të phpMyAdmin! Kështu i jepni edhe gjuhës sonë një shans më shumë, për t’u aplikuar në teknologjinë e re të informacionit…

Për më tepër: http://www.phpmyadmin.net/

Galeria NextGEN është një nga galeritë më të suksesshme dhe më praktike, që përdoret për të krijuar albume fotografish mjaft interesante në uebfaqet e WordPress. Prandaj edhe ne e kemi përkthyer këtë shtojcë (plugin) në gjuhën shqipe.

[ Shkarko filet e gjuhës shqipe ]

Kur shkarkon filet e gjuhës shqipe, shkon në server te shtojca NextGEN Gallery dhe i kopjon ato në dosjen e fileve të gjuhës:

url-uebfaqja_juaj/wp-content/plugins/nextgen-gallery/products/photocrati_nextgen/modules/i18n

I kopjon të dy filet e gjuhës këtu dhe nëse uebfaqja juaj është në shqip, atëherë edhe Galeria NextGEN do të kthehet komplet në shqip!

Kliko mbi imazhin përkatës të temës apo shtojcës
dhe shkarko filet e gjuhës shqipe!

Tema Divi është një temë elegante dhe shumë e avancuar dhe e përdorur, prandaj vendosëm edhe ta përkthejmë në shqip. [ Shkarko filet e shqipes ]

kliko për të shkarkuar filet e gjuhës shqipe

iThemes Security Pro (- uebfaqja zyrtare e shtojcës) është një shtojcë mjaft e vlefshme për sigurinëe Platformës suaj në WordPress – një shtojcë që e rekomandoj me dëshirë!

Kur të merrni filet e gjuhës shqipe, duke klikuar mbi imazhin e shtojcës më lart, shkoni e futni ato në servër, në dosjen e gjuhës së shtojcës.

../wp-content/plugins/ithemes-security-pro/lang/..

Shënim: Nëse e keni Platformën e WordPress në shqip, edhe shtojca në fjalë do të bëhet shqip menjëherë!

kliko për të shkarkuar filet e gjuhës shqipe

BackupBuddy (- uebfaqja zyrtare e shtojcës) është një shtojcë që bën kopjen e sigurisë së ueb faqes suaj, të databazës ose të të gjithë ueb faqes dhe ka një rëndësi të veçantë për sigurinë e ueb faqes suaj. Prandaj e rekomandoj me dëshirë!

Kur të merrni filet e gjuhës shqipe, duke klikuar mbi imazhin e shtojcës më lart, shkoni e futni ato në servër, në dosjen e gjuhës së shtojcës.

../wp-content/plugins/backupbuddy/lang/..

Shënim:Nëse e keni Platformën e WordPress në shqip, edhe shtojca në fjalë do të bëhet shqip menjëherë!

OpenCart në shqip

OpenCart në shqip

OpenCart është një ueb-aplikacion mjaft interesant dhe i përshtatshëm për shitjet nëlinjë. Duhet ta konfiguroni atë me produktet dhe mënyrat e duhura të shitjes, me PayPal, Karta Krediti etj., në mënyrë që ta bëni funksionale.

Ngaqë ne e kemi përdorur për prezantimin dhe shitjen e produkteve tona, në adresën:

[ Shkarko filet e gjuhës shqipe ]

e kemi përkthyer në shqip dhe jua sugjerojmë edhe ju, ta përdorni atë, sipas interesit dhe nevojave që keni.

Kujdes:
Gjuha shqipe nuk i mbështet blerjet/transaksionet në Lek me PayPal dhe futjen e kodit të sigurisë, kur doni të na kontaktoni nga aplikacioni. Por mund të klikoni në flamurin e gjuhës psh. English, etj. në krye të faqes dhe të kryeni veprimet, të cilat nuk i mbështet gjuha shqipe.

Uebfaqja zyrtare e OpenCart është si më poshtë, ku mund të gjeni versionin e fundit dhe sqarimet e duhuranë lidhje me këtë aplikacion: http://www.opencart.com/

Poedit në shqip

Poedit në shqip

Poedit është një nga programet më të përdorura për përkthimin dhe korrigjimin e fileve të gjuhës .po, .pot dhe .mo, të cilat përdoren nga WordPress, nga phpMyAdmin, etj. Poedit është një editor përkthimesh mjaft i lehtë dhe i dobishëm për t’u përdorur.

..\Poedit\Translations\sq

të programit Poedit, së bashku me gjuhët e tjera të programit. Deri tani gjuha shqipe, që shoqëronte programin nuk ishte e avancuar me kohën, prandaj ne kishim krijuar mundësinë, që dosjen e gjuhës shqipe të avancuar, ta shkarkoni këtu nga uebfaqja jonë. Por tani gjuha shqipe e përkthyer nga ne është edhe një ndër gjuhët, me të cilat vjen programi, kur ju e shkarkoni atë nga uebfaqja zyrtare e tij.

Kështu që, për të përdorur gjuhën shqipe, në versionin English të programit, dhe tek menyja File zgjedh Preferences (preferencat).

shqip - Albanian

Versionin e fundit të programit Poedit e gjeni në faqen zyrtare të tij:
http://www.poedit.net/

BleachBit në shqip

BleachBit në shqip

BleachBit është një program i thjeshtë, që merret me pastrimin e fileve të panevojshme nga kompjuteri juaj.

Përveç se i fshin filet thjeshtë, BleachBit përfshin karakteristika të avancuara, të tilla si copëzimin e fileve për të parandaluar rikthimin, fshirjen e hapësirës së lirë në disk, për të fshehur gjurmët e fileve të fshira nga aplikacionet e tjera, dhe krijon vakum për Firefox, për ta bërë atë më të shpejtë. Më mirë se falas, BleachBit është edhe me burime të hapura.

BleachBit – Instalimi i gjuhë shqipe

Për ta instaluar gjuhën shqipe (nëse nuk vjen me paketën e BleachBit), ku mund të zgjidhni Albanian (shqip). Kopjo dosjen sq_AL (që merrni me këtë paketë) me dy filet e gjuhës shqipe, në dosjen e programit:

c:\Program Files (x86)\BleachBit\share\locale

Dhe programi BleachBit kthehet në gjuhën shqipe.

Merrni filet e gjuhës shqipe këtu: BleachBit në shqip
Vizito për më tepër faqen zyrtare të BleachBit

Lexo gjithashtu (në anglisht): [ Si të fshish e-malet sekrete nga Microsoft Exchange ]

Shënim: Hillary Clinton u akuzua se ka përdorur programin BleachBit, për të fshirë në mënyrë të parikthyeshme e-mailet e saj nga serveri i saj privat [ Lexo më tepër ]. Kjo ishte edhe shtysa, që na bëri të merremi me këtë program dhe ta përkthejmë atë edhe në gjuhën shqipe.